माघ ९ गते, सुर्खेत​- मध्य तथा सुदुर पस्चिम नेपालमा यातायात (अटोमोबाईल)का साधन तथा पाटपुर्जा बिक्रिवितरण गर्ने व्यावसायिहरुको साझा संस्था “मध्य तथा सुदुर पस्चिम अटो मोबाईल्स एशोसिएसन​, नेपाल” नामको गैर राजनितिक​, गैर नाफामुलख संस्था नेपालगंजमा खोलिएको छ​। अटोमोबाईलसङ सम्बन्ध राख्ने विभिन्न कम्पनिहरु तथा व्यावसायिहरुको हकहित एवं व्यावासायलाई संरक्षण र प्रबंधन गर्ने मुख्य उद्देश्यका साथ सो एसोसिएसन खोलिएको संस्थाका अध्यक्ष डम्बर शाहुले जानकारी गराए।

राज्यमा ढुवानी तथा सवारी साधनहरुको समुचित विकास र विस्तारका लागि आवश्यक पर्ने सम्पुर्ण पार्टपुर्जा, उपकरण​, अटोमोटिभ इन्जिन र अटोमोबाईलमा प्रयोग हुने सबै प्रकारका वस्तुहरु जस्तै (ब्याट्रि, टायर​, लुब्रिकेन्टस तथा अटोमोबाइल साफ्टवेयर​)को आयात एव उत्पादन सम्बन्धि व्यावसायिक विकास, दक्षता एवं राज्यप्रतिको दायित्वलाई आत्मासाथ गर्दै राष्ट्रिय अर्थतन्त्रमा यथोचित योगदान पु-याउने प्रमुख उद्देश्य एसोसिएसन रहेको छ​​​​। नेपालको मध्य​, पस्चिम र सुदुर पस्चिम नेपालको समेत अटोमोबाइलको हब भ​एको यस क्षेत्र (नेपालगंज)ले पुर्व भालुवाङ देखि घोराही, तुल्सिपुर​, सुर्खेत, जुम्ला, धनगढि र महेन्द्रनगर लगाएतका अटोमोबाइल व्यासायिहरुको एकमुस्ट आवाज बन्न सक्ने संस्थाको विस्वास रहेको कुरा पत्रकार सम्मेलन मार्फत संस्थाले जानकारी गराएको छ​।

एसोसिएसनले एक विज्ञप्ती प्रकाशित गर्दै लेखेको छ​, एशोसिएसनले विशुद्ध व्यासायिक वातावरणको निर्माण गर्नुको सङसंगै अटोमोबाइलसंग सम्बन्धित विभिन्न प्रकारका तालिम​, गोष्टि, सेमिनार तथा अटोप्रदशनिको काम गर्ने छ​। साथै सरकारि तथा गैरसरकारी संघ​-संस्थाहरुसंग आवश्यक सहकार्य एंव समुन्वव गरि अटोमोबाइल मर्मत तथा सर्भिसबाट निस्कने फोहर​-मैलाको उचित व्यवस्थापन र प्रबधन गर्ने कुरामा पनि यस एशोसिएसनले महत्वपुर्ण भुमिका निभाउने छ​। बिभिन्न अटोमोबाइल तथा अटोसर्भिस (वर्कसप​) सेन्टरमा काम गर्ने र न्युन आए भ​एका मजुदर तथा हेल्परका लागि बिमा, सुरक्षा भत्ता लगाएतका कार्यक्रमहरु केहि दिनमै लागु गरिने छ​। र अटोमोबाईल क्षेत्रसंग प्रत्यक्ष सम्बन्ध राख्ने बिभिन्न बैन्क​, बिमा कम्पनिहरु तथा यातायात व्यवस्था विभागसंग हातमा हात मिलाएर सहकार्य गरि सम्पुर्न अटो उधोगलाई नै व्यावसायिक र मर्यादित बनाउने जिम्मा पनि यस एशोसियसनको रहेको छ​।

नेपालगंज मध्य तथा सुदुर पस्चिम नेपालको एक महत्वपुर्ण ब्यापारिक नाक हो। नेपालमा प्रचलनमा रहेका लगभग सबै प्रकारका यातायात तथा सवारी साधनका शो-रुम रहेका छन र जहाँ बाट बिक्रि-वितरण तथा मर्मतको काम हुने गर्दछ । करिब १०० देखि १५० वटा सम्म रहेका अटोमोबाइल्स क्षेत्रका बिभिन्न प्रकारका मर्मत तथा बिक्रिकेन्द्रहरु रहेको ठाँउमा एक दशक एता बाटै अटोमोबाइल्स व्यावसायीहरुको एक साझा संस्था आवस्यक्ता महसुस गरिएको थियो।