चितवनमा। जंगली हात्तीको आक्रमणबाट भरतपुर महानगरपालिका—१३ गंगानगरकी ५९ वर्षीया तुलमाया भुजेलको मृत्यु भएको छ।
आज बिहान तुलमायाको घर भत्काउन थालेपछि हारगुहार गर्दै भाग्ने क्रममा छिमेकी गोरे तामाङको आँगनमा हात्तीले मारेको हो । चितवन राष्ट्रिय निकुञ्जबाट आएको जंगली हात्ती स्थानीय बेलसहर सामुदायिक बन हुँदै बस्ती प्रवेश गरेर घर भत्काउन थालेको थियो । जंगली हात्तीले चारजना स्थानीयको घर समेत भत्काएको छ ।
मृतकको शवलाई पोष्टमार्टमको लागि भरतपुर अस्पताल पठाइएको छ ।
प्रकाशित मिति : २०७७ चैत्र ८, आईतवार
