खानपानमा ध्यान नदिँदा धेरै नै हानी हुनेगर्दछ, त्यसैले शरीरलाई स्वस्थ एवम् तन्दुरुस्त राख्नका निम्ति खानपानमा विशेष ध्यान दिनुपर्छ।
आज यहाँ स्वस्थ जीवन लागि आवश्यक पर्ने केही फलफूलबारे जानकारी दिन लागिएको छ ।
लसुन
शरीरमा रोग प्रतिरोधक क्षमता बढाउनको लागि लसुन एकदम फाईदाकारी छ त्यसैले लसुनले शरीरलाई धेरै रोग लाग्नबाट बचाउँछ । लसुनको सेवनबाट उच्च रक्तचापको नियन्त्रण गर्न तथा एन्टीएजिंग प्रक्रियामा समेत सहयोग मिल्छ ।
कागती
शरीरको रोग प्रतिरोधक क्षमतालाई बढाउने अर्को फईदाकारी फल हो भिटामिन सी युक्त कागती विभिन्न किसिमका एलर्जीबाट बचाउनका लागि भिटामिन सी युक्त फलफूल आवश्यक पर्छ । एन्टीअक्सीडेन्ट्सको उपस्थितीका कारण यो फलले क्यान्सर उत्पन्न गर्ने तत्वसँग लड्ने क्षमता समेत प्रदान गर्छ ।
अनार
शरीरमा रगतको कमी हुँदा रगतमा हेमोग्लोबिनको मात्रा बढाउन अनार महत्वपूर्ण हुन्छ । यसको सेवनले छाला समेत स्वस्थ रहन्छ । अनारमा पाइने सुक्ष्म पोषक तत्वले शरीरको भित्री अंग समेत बलियो बनाउन सहयोग गर्छ ।
ग्रीन टी
ग्रीन टीले शरीरको तौल घटाउने, कपाल झर्नबाट रोक्नमा सहयोग गर्छ । यसको सेवनबाट रगतमा चिनीको मात्रा कम गर्न मदत गरर्नुका साथै यसले कोलेस्ट्रोललाई समेत सन्तुलन गर्दछ । यसले रक्त चापलाई समेत नियन्त्रणमा राख्न मद्दत गर्छ ।
ब्रोकाउली
ब्रोकाउलीमा बीटा क्यारोटीन र आइसोथियोसायनेट नामक पोषक तत्व पाइन्छ त्यसैले ब्रोकाउलीले क्यान्सर रोकथाममा सहयोग गर्नुका साथै यसले एन्टीएजींगको प्रक्रियामा समेत सहयोग गर्दछ ।
जौ
जौमा चेरै नै मात्रामा फाइबर पाइन्छ । यसकारण कब्जियतको समस्या हटाउनका लागि यो अत्यन्तै लाभदायक छ । यसमा बीटाग्लूकेन्स हुने हुनाले कोलेस्ट्रोलको मात्रा घटाउनका लागि पनि यो महत्वपूर्ण हुन्छ ।
गेडागुडी
एन्टीएजिंग निम्ति अंकुराएको गेडागुडी खानु लाभदायक हुन्छ । यसको सेवनले रोग प्रतिरोधक क्षमतामा वृद्धि हुनुका साथै रोगहरुबाट बचाउन यसले सहयोग गर्छ । अंकुराउँदै गरेको गेडागुडीको सेवनले छाला समेत बलियो तथा कसिलो बनाउँछ ।
प्रकाशित मिति : २०७७ चैत्र १५, आईतवार
