अमेरिकाले दिएको जोनसन एण्ड जोनसन कोरोना खोप आजबाट लगाउन सुरु गरिएको छ ।
प्रधानमन्त्री शेरबहादुर देउवाले सोमबार बिहान जोरपाटीस्थित नेपाल अर्थोपेडिक अस्पताल पुगेर जोनसन एण्ड जोनसन शुभारम्भ गरेका छन् । काठमाडौं उपत्यकाका ५५ वटा केन्द्रबाट जोनसनको खोप लगाउने व्यवस्था मिलाइएको छ ।
जोरपाटीपछि शिक्षण अस्पताल महाराजगन्ज, सामाखुसी पुगेर अहिले प्रधानमन्त्री देउवा कुपण्डोल जाँदै गरेको उनको सचिवालयले जानकारी दिएको छ ।
प्रधानमन्त्री देउवा आज उपत्यकाका विभिन्न खोप केन्द्र निरीक्षणका लागि निस्किएका हुन् ।
५० वर्ष देखि ५४ वर्ष उमेर समूहका कारोना खोपको पहिलो मात्रा खोप लगाउन बाँकी सबै नागरिकहरुलाई यो खोप दिइने छ ।
पर्ण र अति अशक्त अपाङ्गता भएकाले पनि जोनसन एण्ड जोनसन खोप पाउने भएका छन् ।
त्यसैगरी हाल नेपालमा बसोवास गरिरहेका शरणार्थी स्वास्थ्य संस्थामा कार्यरत स्वास्थ्यकर्मी र सरसफाइकर्मीलाई यो खाप लगाइने छ ।
साथै यसअघि प्राथमिकतामा परेका र खोप लगाउन छुटेकाले पनि खोप पाउने छन ।
प्रकाशित मिति : २०७८ श्रावण ४, सोमबार
